Edi Rama ka marrë në mbrojtje edhe deputeten Klotilda Bushka e cila është në hetim nga SPAK për kryerjen e veprës penale të “Veprime që pengojnë zbulimin e së vërtetës”.
Në hetimet ndaj Erion Veliajt dhe Ajola Xoxës, Klotilda Bushka rezulton se i ka bërë presion dëshmimtares së SPAK, Ina Goxhaj, ish-drejtoreshë ekzekutive e qendrës BYL-A, duke i kërkuar që ajo të mashtronte në dëshminë e saj.
Gjatë fjalës në ceremoninë e 105-vjetorit të Tiranës kryeqytet, Rama e konsideroi si jo normale që një e akuzuar ta marrë vesh nga televizori dhe të mos jetë marrë asnjëherë në pyetje. Ai deklaroi se nuk jemi një republikë prokurorësh, pasi sipas tij, ky do të ishte autogoli më i madh.
“Kryetari i Komisionit të Ligjeve më ka kërkuar, ose ka kërkuar të dëgjohet nga grupi parlamentar. Pse? Sepse e ka dëgjuar nga televizori, jo nga prokurorët, por televizori, gazetarë specialë që disponojnë dokumente që nuk i kanë as të akuzuarit, se është person i dyshuar. Kryetari i komisioni të ligjeve?!
Jo se mund të mos jetë i dyshuar, por të jetë person i dyshuar dhe e merr vesh nga televizori se emri i figuron në akt akuzë e të mos jetë pyetur asnjëherë. Ej.. Cfarë është kjo? Të mos i jetë dhënë asnjëherë e drejta e fjalës.
Këto nuk janë shenjas aspak të mira. Unë dua të shpresoj që nuk janë shenja që lidhen me simtomat e një sëmundjeje vetëbesimi. E dua të besoj tek ajo që kam thënë. E i qëndroj se kjo nuk është republikë prokurorësh që është në materializimin e saj përfundimtar sepse do të ishte autogoli më i madh që në vullnet të mirë dhe me sy mbyllur do të bënim duke transformuar drejtësinë.” – tha Rama.
