Agjencia e Mbikëqyrjes Policore ka arrestuar punonjësin e Gardës, Inspektor Ergi Ismaili, i dyshuar për kryerjen e veprave penale “Kundërshtim i punonjësit që kryen një detyrë shtetërore ose një shërbim publik”, “Kundërshtim i punonjësit të policisë” dhe “Veprime të dhunshme në aktivitete sportive”.
Arrestimi u bë i mundur pas veprimeve hetimore të kryera në bashkëpunim me Komisariatin e Policisë Nr.4 në lidhje me ngjarjen e djeshme, ku gjatë zhvillimit të ndeshjes së futbollit Partizani-Tirana, ka patur përplasje të dhunshme mes tifozëve, të cilat kanë sjellë si pasojë dëmtime fizike të disa personave në stadium, përfshirë edhe një punonjës të sigurisë së stadiumit edhe një punonjësi policie.
Krahas Ismailit, janë arrestuar edhe dy persona të tjerë, për të njëjtat vepra penale.
Ndërkaq, mes të proceduarve, është sekretari i përgjithshëm i K.F. Partizani, dhe një delegat nga FSHF, për veprat penale “Mosbindja ndaj urdhërit të policisë së rendit publik” dhe “Shpërdorim i detyrës”.
