Roma ka marrë një fitore të rëndësishme në transfertë përballë Venezias, në sfidën e vlefshme për javën e 24-të të Serie A. Ndeshja e zhvilluar në “Stadio Pierluigi Penzo”, përfundoi 0-1.
Golin e vetëm të kësaj sfide e shënoi ylli argjentinas, Paulo Dybala. Ky i fundit e gjeti rrugën e rrjetës në minutën e 57-të, duke shndërruar në gol një penallti dhe duke i dhënë të tijëve një fitore të vlefshme.
Me këtë triumf, Roma shkon në kuotën e 34 pikëve, duke mbajtur pozitën e 9-të në tabelën e klasifikimit. Në krahun tjetër, me vetëm 16 pikë, Venezia mbetet në vendin e 19-të, pra të parafundit në renditje.
