Jozefina Topalli shprehet se Sali Berishën nuk e zëvendëson dot askush në Partinë Demokratike.
Më tej ajo shton se në vitin 2017, Lulzim Basha e zhduku klasën politike dhe mori një grup njerëzish që ishin mirë me kryetarin.
“Nuk ka. Që kur ka dalë, Sali Berisha ka sjellë një frymë tjetër brenda strukturave dhe jashtë tyre. Në vitin 2017, ai që ishte në krye të PD, zhduku klasën politike dhe mori një grup njerëzish që ishin mirë me kryetarin. Tani ky kapitull është mbyllur dhe është një realitet tjetër.
Deri tani, nuk ka njeri në PD që ta zëvendësojë Berishën. Partia Demokratike e ka kryetarin e saj, për të ardhmen do të kemi kohë të flasim”, tha Topalli e ftuar në studion e “Ditarit” në A2.
E pyetur nëse do të kandidojë në primare, Jozefina Topalli tha se nuk e ka menduar shumë këtë gjë.
“Jam e përqendruar tjetërkund. Nuk do merrem me primaret aktualisht, por unë në jetën time politike nuk kam hyrë me listën e kryetarit, por kam kandiduar duke pasur tjetrin përballë. Prandaj nuk e mendoj ndoshta”, tha Topalli.
