Ditët e fundit, ishulli i Santorinit në Greqi, është lëkundur nga një seri tërmetesh, që sipas sizmiologëve, ka mundësi që të çojë një tërmet të madh ose në shpërthimin e vullkanit.
Sipas informacioneve të protothema.gr, kryeministri grek, Kyriakos Mitsotakis me shumë gjasa do të mbërrijë në Santorini nesër në mëngjes, i shoqëruar nga ministri i Mbrojtjes Civile Vassilis Kikilias. Ai pritet të jetë në Fira dhe të bisedojë me personat e aparatit shtetëror që janë dërguar atje, si dhe me banorët e mbetur.
Në Bashkinë Thira u shpall gjendja emergjente e Mbrojtjes Civile pas vendimit të Sekretarit të Përgjithshëm të Mbrojtjes Civile, Vasilis Papageorgiou, për adresimin e nevojave emergjente dhe menaxhimin e pasojave nga aktiviteti sizmik që ka ndodhur së fundmi në zonën e sipërpërmendur. Kjo deklaratë do të jetë e vlefshme nga data 02.01.2025 deri në datën 3.3.2025.
Konkretisht në vendim thuhet: “Vendosim shpalljen e Gjendjes së Jashtëzakonshme të Mbrojtjes Civile për Bashkinë Thira, të Njësisë Rajonale Thira të Rajonit të Egjeut Jugor, për të adresuar nevojat emergjente dhe për të menaxhuar pasojat e shkaktuara nga aktiviteti sizmik. Kjo deklaratë do të jetë e vlefshme nga data 1.02.2025 dhe për një (1) muaj, përkatësisht deri më 3 mars 2025. Pas përfundimit të kohës së caktuar, gjendja e mësipërme emergjente e Mbrojtjes Civile do të hiqet, pa dokument të ri”
