Një 25-vjeçar është gjetur i vdekur brenda një makine në Balldre të Lezhës.
Burimet mediatike bëjnë me dije se viktimë ka mbetur 25-vjeçari, Romario Brunga.
Kanë qenë banorët e zonës të cilët e kanë gjetur të riun pa shenja jete në makinë dhe kanë lajmëruar Policinë e Lezhës. Rrethanat e ngjarjes ende nuk dihen, ndërkohë që policia po heton dy pista, atë të atentatit, por nuk përjashtohet as vetëvrasja.
Sipas mediave dyshohet për vetvrasje pasi viktima ka vetëm një plumb në trup.
Do jenë hetimet që do të përcaktojnë dinamikën e ngjarjes. Në pamjet e publikuara nga vendi i ngjarjes, duket mjeti tip ‘Benz’ në të cilin u gjet i vdekur i riu.
Grupi hetimor ndodhet në vendin e ngjarjes për zbardhjen e saj, ndërsa janë ngritur edhe pika kontrolli në hyrje dhe dalje të Lezhës, pasi po hetohet edhe pista e atentatit.
- Çfarë njofton policia e Lezhës?
Policia e Lezhës ka dal me njoftim zyrtar lidhur me vdekjen e 25 vjeçarit Romario Brunga në Lezhë.
Rrethanat e ngjarjes janë ende të paqarta, ndërsa po punon për zbardhjen e dinamikës. Policia po heton dy pista, atë të atentatit dhe të vetëvrasjes. Policia konfirmon se viktima ka vetëm një plumb në trup.
Trupi i të riut është transportuar drejt morgut, për kryerjen e ekspertizës mjeko-ligjore.
“Lezhë/ Në rrugën e vjetër të Balldrenit është gjetur i pajetë brenda në automjetin e tij, shtetasi R. B., rreth 25 vjeç.
Nga veprimet e para të kryera në vendngjarje nga grupi hetimor, është gjetur brenda në automjet një armë zjarri, tip pistoletë, dhe një gëzhojë.
Po nga veprimet e para, rezulton se automjeti nuk ka dëmtime të jashtme nga armë zjarri, ndërsa viktima ka vetëm një plagë të shkaktuar nga armë zjarri. Grupi hetimor, nën drejtimin e Prokurorisë, vijon veprimet intensive në vendngjarje për zbardhjen e plotë të rrethanave dhe dokumentimin ligjor të ngjarjes, për të përcaktuar nëse kemi të bëjmë me vetëvrasje apo me vrasje.
Në lidhje me këtë ngjarje do të ketë informacion më të plotë pas përfundimit të veprimeve të para hetimore”, thuhet ne njoftim.
- Pamje nga vendi i ngjarjes:
