Një aksident ajror ka ndodhur mbrëmjen e sotme në Itali.
Mediat e huaja bëjnë me dije se është rrëzuar një helikopter.
Nga tragjedia ajrore kanë mbetur të vdekur tre persona që ndodheshin në bord, mes tyre një biznesmen.
Bëhet fjalë për Lorenzo Rovagnati, 41 vjeç, shefi ekzekutiv i kompanisë së mishrave të përpunuar në Itali.
Lorenzo Rovagnati është trashëgimtari dhe drejtor aktual menaxhues së bashku me vëllain e tij Ferruccio të kompanisë historike Curati, me qendër në Rovag e Milano.
Dy të vdekurit e tjerë dyshohet se janë pilotët.
Siç raporton Ansa, helikopteri për arsye ende të panjohura u rrëzua rreth orës 19:00 në Castelguelfo di Noceto, në provincën e Parmës.
Sipas raportimeve helikopteri, i cili u ngrit nga rezidenca e Rovagnati në Milano, po shkonte drejt kështjellës Castelguelfo, në pronësi të familjes Rovagnati.
Ndërkohë që ekipet përkatëse kanë shkuar në terren për të zbardhur rrethanat e tragjedisë ajrore.
Hetimet për rindërtimin e shkaqeve të aksidentit ajror po koordinohen nga Prokuroria Publike e Parmës.
Kush ishte Lorenzo Rovagnati?
Lorenzo Rovagnati, një figurë e shquar në fushën e biznesit italian, ishte në krye të kompanisë së mishrave të përpunuar të themeluar nga familja e tij prej vitesh, e njohur në të gjithë botën për produkte me cilësi të lartë.
Përveç menaxhimit të kompanisë, Rovagnati ishte i lidhur me territorin e Noceto, ku familja zotëron kështjellën Castelguelfo dhe disa parcela toke përreth.
Pasioni i tij për aviacionin e bëri atë të udhëtonte shpesh me helikopter, një mjet transporti që e përdorte shpesh.
