Ekspertja e marrëdhënieve ndërkombëtare, Ilda Zhulali, shprehet se me ardhjen e Edi Ramës në pushtet, Shqipëria u kthye në një koloni të Xhorxh Sorosit.
Sipas Zhulalit, Sorosi ka sulmuar opozitën në Shqipëri, vetëm për të çuar përpara një axhendë të ekstremit të majtë, duke e kthyer vendin tonë edhe në një lloj laboratori.
“Me ardhjen e Edi Ramës në pushtet, Shqipëria është kthyer në një koloni të Xhorxh Sorosit, Amerika në historinë e vet, nuk ka pasur koloni, ka pasur vende partnere, me të cilat ka ndërtuar një bashkëpunim dhe ka pasur një lloj ndjeshmërie ndaj vendeve më të vogal.
Dhe për këtë kanë lindur dhe programe si USAID, ku është synuar për të ndihmuar dhe për të zhvilluar këto vende dhe për të arritur me një farë dhe motoje idealiste, në vlerat amerikane që përfaqësojnë, lirinë, demokracinë dhe të drejtat e njeriut.
Ajo çfarë ka ndodhur në mënyrë të shformuar që nga qeverisja e Edi Ramës dhe deri më tani, Shqipëria është kthyer në një koloni ekskluzive e Xhorxh Sorosit.
Sot e gjithë bota duket gati e tronditur nga Elon Musk, fuqia e të cilit është një individ i cili mori Tëitterin, hoqi filtrat ku ishin censuruar të gjithë të djathtët në nivel botëror, veçanërisht republikanët dhe i dha një hapësirë tjetër, lirisë së shprehjes, mirëpo u kthyer edhe për shkak të asaj që përfaqëson si një nga njerëzit me më ndikim në botë.
Fjala e Musk, deklaratat e tij, mendoni se çfarë ndikimi kanë në vende si Britani, Gjermani, Itali, Francë dhe SHBA, kanë sjellë tronditje.
Mendoni se çfarë fuqie ka pasur Xhorxh Soros me një perandori të mirëfilltë financiare, tek një vend i vogël si Shqipëria dhe një hapësirë e kufizuar si Ballkani perëndimor, dhe veçanërisht me gjithë atë infrastrukturë me njerëz që ka ndërtuar në nivele të ndryshme, në qeverisje, institucione kushtetuese, media, shoqëri civile.
Pra ndikimi këtu ka qenë tronditës.
Mënyra se si i ka përdorur këto për të mbajtur në pushtet Edi Ramën dhe narkoshtetin e tij, dhe pastaj edhe shënjestruar opozitën, e cila është pro amerikane dhe pro evropiane. Pse Amerika do ti kundërvihej kaq fort PD-së, çfarë ka shkuar gabim.
Ajo përgjigje që kanë gjetur është realizimi i një agjende të ekstremit të majtë që ka gjetur mënyrën e vet më të mirë përfaqësuar në Shqipëri”- tha Ilda Zhulali në ‘Task Force’.
