Gazetarja Ola Xama tregoi në emisionin “Të Paekspozuarit” në MCN TV se si i kanë rritur fitimet bankat në Shqipëri.
Duke shpjeguar grafikët me shifrat e viteve të fundit, Xama tha se fitimet e bankave janë rritur në vitet e fundit nga BKT, Raifaisen dhe me radhë. BKT, bankë turke, shumicën e depozitave të saj e investon në bono thesari që është risku më minimal se është borxhi i qeverisë dhe ka një fitim të sigurtë dhe këto para nuk shkojnë për zhvillimin e vendit.
“11 bankat kanë realizuar një fitim për 9 muaj të 2024 278 milionë euro, pra 25 milionë euro për çdo bankë. Është një fitim në rritje në 2023, 2024 për shkak të rritjes së interesave bankare. Pjesa kryesore nga interesi dhe gjoba të arkëtueshme.
Të ardhurat nga interesi janë 70 milionë euro dhe gjoba e të ardhura të arkëtueshme janë 141 milionë euro.
Që bankat dalin me fitim nuk është lajm i keq, por ky fitim a bëhet në kurriz të klientit?
Fitmin më të madh e kanë bankat që kanë klientët më të mëdhenj dhe banka që ka numrin më të madh të depozitave është BKT. Ajo ka fituar në vitin 2023 66 milionë euro, Raifaiesen 64 milionë euro etj. Portofolin më të madh të kredisë e ka Credins Bank, por BKT ka fitim 3 herë më të lartë. Qëllimi i bankave është të fitojnë nga interesat, por BKT shumicën e depozitave të saj e investon në bono thesari që është risku më minimal se është borxhi i qeverisë dhe ka një fitim të sigurtë. Depozitat e shqiptarëve nuk shkojnë për zhvillimin e Shqipërisë”– tha Xama.
