Një aksident ka ndodhur mëngjesin e sotëm në qytetin e Gramshit.
U raportua se nga përplasja e dy makinave, një person ka humbur jetën. Viktima është rreth 50 vjeç ndërsa të plagosur kanë mbetur dy persona të cilët janë transportuar për ndihmë mjekësore drejt spitalit të Traumës.
Policia ndodhet në vendngjarje dhe po punon për zbardhjen e plotë të ngjarjes.
“Rreth orës 09:00, në aksin rrugor “Gramsh-Cërrik”, automjeti me drejtues shtetasin G. K., 21 vjeç, është përplasur me automjetin me drejtues shtetasin E. H., 39 vjeç.
Nga aksidenti ka humbur jetën shtetasi A. H., rreth 50 vjec, pasagjer në automjetin me drejtues shtetasin E. H., si dhe janë dëmtuar shtetasi E. H. dhe pasagjeri tjetër në automjetin e tij, të cilët janë jashtë rrezikut për jetën.
Shtetasi G. K. është shoqëruar në komisariat, për veprime të mëtejshme procedurale“, thuhet në njoftimin e policisë.
Grupi hetimor në vendngjarje vijon punën për zbardhjen e rrethanave dhe shkaqeve të aksidentit.
