Kryeministri Edi Rama dhe numri dy i qeverisë së tij, Belinda Balluku vazhdojnë të tallen me shqiptarët.
Duke nisur nga sot, hyn në fuqi ulja me 1 lekë e çmimit të energjisë për abonentët familjarë. Kush konsumon deri ne 700 kWh/muaj energji do të paguajë 8.5 lekë për kWh, ndërsa për familjarët që familjarët që konsumojnë mbi 700 kWh/muaj, çmimi mbetet 9.5 lekë për kWh.
Çmimi aktual që paguajnë familjet shqiptare për energjinë është 9.5 lekë të reja, pa TVSH apo 11.4 lekë me TVSH. Pra çmimi i energjisë elektrike ulet me 1 lekë, kështu familjet shqiptare do të paguajnë 10.2 lekë të reja me TVSH nga 11.4 lekë që ishte para 1 shkurtit.
Për të dëshmuar sa qesharake është kjo ulje e energjisë elektrike, mjafton të japim një shembull ku për një faturë e konsumatorit me vlerë rreth 40-50 mijë lekë të vjetra, ulja është rreth 4-5 mijë lekë të vjetra. Ndërsa përfituesi më i “madh i uljes” është konsumatori që harxhon rreth 700 kilovat, e përkthyer në faturë ulja maksimale shkon rreth 7 mijë lekë të vjetra.
Për një ulje të tillë, Edi Rama dhe qeveria e tij kanë propaganduar 3 muaj radhazi, ndërsa realiteti është krejt i kundërt pasi konsumatori shqiptar paguan çmimin më të shtrenjtë të energjisë në rajon.
