Një ngjarje e rëndë ka tronditur Tiranën mbrëmjen e kësaj të shtune, ku babai ka vrarë me thikë djalin e tij.
Ngjarja ndodhi në rrugën “Ilia Shyti”, te Kodra e Priftit, në banesë, ku Hekuran Gjoni, rreth 74 vjeç, ka goditur me mjet prerës djalin e tij, shtetasin Asim Gjoni, 37 vjeç, i cili për pasojë ka humbur jetën në spital.
Menjëherë pas marrjes së njoftimit, shërbimet e Policisë kanë shoqëruar autorin në Komisariat për veprime të mëtejshme.
U bë me dije setë dy babë e bir kanë qenë të dehur, teksa në polici i moshuari ka pranuar se ka vrarë të birin.
‘Më datë 01.02.2025, rreth orës 18:50, tek Kodra e Priftit, në rrugën “Ilia Shyti”, në banesë, shtetasi H. Gj., rreth 74 vjeç, ka goditur me mjet prerës djalin e tij shtetasin A. Gj., 37 vjeç, i cili për pasojë ka humbur jetën në spital.
Menjëherë pas njoftimit të marrë për ngjarjen, shërbimet e Policisë kanë bërë shoqërimin e autorit në Komisariat për veprime të metejshme.‘, njofton policia.
Grupi hetimor po punon për sqarimin e rrethanave të ngjarjes.
Vrau të birin me thikë, flet i moshuari: Më bullizonte
Detaje të reja janë mësuar nga ngjarja e rëndë në Tiranë, ku një 74-vjeçari Hekuran Gjoni, vrau me thikë djalin e tij Asim Gjoni.
Dyshohet se shkak i krimit është bullizimi nga ana e të riut. U raportua se gjatë deklaratave të para të dhëna në Komisariat, i moshuari ka deklaruar se i biri e tallte dhe se pas ngacmimeve e ka vrarë me thikë.
Në polici i moshuari ka pranuar se ka vrarë të birin, ndërsa dyshohet se në momentin e vrasjes të dy kanë qenë të dehur.
Dyshohet se debati mes tyre ka qenë për motive të dobëta. Autori tashmë është shoqëruar në komisariatin numër 4 ku edhe po merret në pyetje.
Në pyetje janë duke u marrë edhe familjarë e të afërm të viktimës dhe autorit, me qëllim zbardhjen e ngjarjes.
Babai në gjendje të dehur e qëlloi për vdekje me thikë, ja kush është 37-vjeçari
Personi që shihni në foton e mëposhme, Asim Gjoni, 37-vjeçari që u godit për vdekje me thikë nga babai i tij, ishte i martuar dhe babai i dy fëmijëve.
Sipas dëshmitarëve në vendin e ngjarjes, krimi ka ndodhur brenda banesës së familjes Gjoni, ndërkohë grupi hetimor po punon për sqarimin e rrethanave të ngjarjes.
Hekuran Gjoni dhe djali i tij, mësohet se kanë qenë në gjendje të dehur.
Ndërsa sipas dëshmisë që 74-vjeçari ka dhënë në polici, shkak për vrasjen janë bërë talljet që i biri adresonte ndaj tij.
Fillimisht, konflikti mes tyre ka qenë verbal, më pas, Hekuran Gjoni ka marrë thikën dhe ka qëlluar të birin i cili edhe pse është transferuar menjëherë në spital, nuk ka shpëtuar.
Grupi hetimor ka shkuar brenda banesës ku ndodhi krimi, ku janë marrë në pyetje familjarë dhe fqinjë ndërsa vijon puna për zbardhjen e plotë të ngjarjes.
Lexo edhe:
