Ngjarjet kriminale të regjistruara në vendin tonë e tregojnë më së miri se siguria në vendin tonë është në nivel të ulët, e duket se të rinjtë sfidojnë edhe shtetin.
Gazetarja Klodiana Lala ka publikuar një video ku dy të rinj shfaqen duke qarkulluar me një automjet, teksa njëri prej tyre mban në dorë një armë zjarri kallashnikov dhe tjetri një armë zjarri pistoletë.
Ata janë në zonën e Kirasit në Shkodër, teksa skandali bëhet më i rëndë kur vetë të rinjtë i kanë publikuar pamjet në rrjetet sociale.
Lala shkruan se pamjet janë filmuar disa muaj më parë dhe ajo i ka referuar në Polici, por nuk ka patur asnjë reagim prej tyre.
“Kjo video me ka ardhur muaj me pare ne rrjetet e mia sociale.
Mendohet te jete realizuar ne Shkoder, por une se kam konfirmuar ende ne menyre te pavarur.
Atekohe e pata adresuar ne polici, por askush nuk reagoi.
Mbase qytetaret do te ndihmojne policine ne identifikimin e personave qe levizin me arme dhe sfidojne shtetin!” – shkruan Klodiana Lala.
