Skënderbeu ka gati edhe goditjen e tretë në merkaton e dimrit.
Ashtu siç raporton “Panorama Sport”, klubi korçar arritur akordin me sulmuesin bjellorus, Vsevolod Sadovski. Sadovski është 28 vjeç dhe do të luante për herë të parë në Shqipëri.
Karrierën e ka të lidhur me disa ekipe në kampionatin bjellorus, ndërsa sezonin e fundit ka qenë pjesë e Ordabasit në Kazakistan. Me fanellën e këtij ekipi ai ka shënuar 5 gola.
Pritet zyrtarizmi i këtij futbollisti te Skënderbeu, pasi palët kanë pasur bisedime të avancuara dhe kanë një akord paraprak.
Vsevolod Sadovski luan si qendërsulmues, ndërkohë që interesantë janë parametrat e tij fizikë. Bëhet fjalë për një sulmues gjigant, 1.95 metra të gjatë.
