Ruben Amorim po përgatit ndryshime të mëdha te Manchester United për sezonin e ri. Portugezi iu ka bërë të ditur drejtuesve listën me lojtarët që duhet të largohen nga “Djajtë”.
Pas Marcus Rashford, një tjetër sulmues pritet të largohet nga United. ESPN raporton se Manchester United ka vendosur të nxjerrë në shitje Rasmus Hojlund dhe janë të gatshëm të heqin dorë prej tij nëse vjen oferta e duhur këto ditë të fundit të merkatos së janarit, ndryshe duhet të presin deri në verë.
Danezi vlerësohet 60 milionë euro në Transfermarkt, por tek United janë të vetëdijshëm që këtë shifër vështirë se mund të ketë ekip ta paguajë, ndaj duhet të ulin çmimin.
E ardhmja e sulmuesit danez mund të jetë në Serie A, ku Milan dhe Juventus kanë shprehur interesim por pa ofruar shifra konkrete.
