Është regjistruar incidenti i Kosovës në fushatën elektorale në Kosovë për zgjedhjet parlamentare të 9 shkurtit.
Albin Kurti është sulmuar me fishekzjarre dhe mjete piro-teknike, para se të hynte në sallën ku do të mbante një tubim me mbështetësit e tij në Skënderaj.
Mediat e Kosovës raportojnë se gjatë përpjekjeve të kryeministrit Albin Kurti për të hyrë në sallën ku do të mbahej tubimi, u hodhën fishekzjarre dhe mjete piroteknike në drejtim të tij.
Autorë të sulmit duket se janë simpatizantët e Partisë Demokratike të Kosovës, pasi sipas mediave kosovare ata janë dëgjuar duke brohoritur “Na jena PDK, Thaçi – Thaçi” dhe “Albin hajni”.
Gjithashtu, janë dëgjuar edhe thirrjet “Zdravo”, të cilat lidhen me audio-incizimin e fundit të shefes së Grupit Parlamentar të Vetëvendosjes, Mimoza Kusari, me Milan Radoiçiq, një ngjarje që ka shkaktuar polemika të mëdha.
Fatmirësisht, nga sulmi nuk ka patur të lënduar, pasi trup-rojat e kryeministrit kanë reaguar menjëherë, duke e mbuluar Kurtin dhe deputetët e tjerë të Vetëvendosjes me çadra për të siguruar sigurinë e tyre.
