Edi Rama i është rikthyer sërish idesë së çmendur të tij, të krijimit të Shtetit sovran Bektashi gjatë aktivitetit për 95-vjetorin e vendosjes së Kryegjyshatës Botërore të Bektashinjve në Shqipëri.
Gjatë fjalës së tij, Rama pretendon se Shtetin Bektashi do e krijojë për shkak se komuniteti bektashi është në rrugët e shuarjes dhe sipas tij duhet të mbrohet me doemos nga shteti dhe populli shqiptar.
Sipas Ramës, ky shtet që ai pretendon se do ta krijojë brenda Tiranës, do të jetë i ngjashëm me atë të Vatikanit, nuk do të ketë ushtri dhe taksa, por vetëm një seli. Ai theksoi se krijimi i këtij shteti nuk do përçajë askënd, nuk do kërcënojë askënd dhe nuk do të vërë në cenim integritetin territorial të Shqipërisë
Edi Rama: Bektashizmi është monument i gjallë kulture që duhet të mbrohet me doemos nga shteti dhe populli shqiptar. Këto mund ti them pa gajlen më të vogël, sepse në këtë rast shyqyr zotit nuk jam bektashi dhe nuk mund të më akuzojë njeri që po bëj diçka në favor të një pale.
Ky komunitet është në rrugët e shuarjes, është diçka që po ndodh para syve tanë dhe prandaj historia e bektashive është në vetvete thirrja imponuese për ti dhënë selisë përmes një statusi të ngjashëm me të Vatikanit, fuqinë e një embleme, e cila nuk do përçajë askënd, e cila nuk do kërcënojë askënd, e cila nuk do vërë në cenim integritetin territorial të Shqipërisë, se ca nuk dëgjon njeri nga shqipot kur do të bëjë ndonjë punë që të tjerët se kanë bërë.
Shqipëria është shtet unitar, edhe Italia është unitar, por i ka nja tre realitet brenda saj me statuse të tilla, ashtu sikundër komunitetet e tjera fetare nuk kanë arsye të shqetësohen nga ky trajtim veçantë, se ky nuk është trajtim i veçantë i një komuniteti, por një trajtim i merituar i një komuniteti që e ka qendrën botërore ne Shqipëri. Të tjerët do ta kishin shpikur edhe sikur të mos e kishin, ne e kemi edhe jemi gati që ta lemë të vdesë. Një emblemë e tillë i jep Shqipërisë edhe më shumë dritë.
Pa ushtri, pa taksa, por një seli. Një shtet shpirtëror që e pret çdo vizitor. Borxh që duhet ta njohim si shqiptar dhe po si shqipo ti bëjmë vetes edhe një të keqe tjetër dhe të regjistrohemi në listën e shqipove që i kanë bërë shumë të këqija këtij vendi. Askush nuk ka pse ti trembet, gjithkush duhet ta shohë si detyrim për të mos e lënë të vdesë, për t’i garantuar vazhdimësinë e jetës.
Shteti Bektashi/ Në shtetin privat të Ramës, çdo çmenduri e tij bëhet realitet
