Një aksident automobolistik është regjistruar mëngjesin e kësaj të premteje në Shkodër, ku një makinë është përplasur me një motor.
Ngjarja ka ndodhur rreth orës 08:00, në fshatin Darragjat, ku sipas autoriteteve policore, shtetasi E. P., 31 vjeç, duke drejtuar automjetin, dyshohet se ka humbur kontrollin dhe për pasojë automjeti është përplasur me motomjetin me drejtues shtetasin P. P., 45 vjeç.
Si pasojë e aksidentit ka mbetur i plagosur drejtuesi i motorit, i cili është dërguar në spital dhe ndodhet në kujdesin e mjekëve.
Grupi hetimor po punon për sqarimin e rrethanave të aksidentit.
