Një ngjarje e rëndë është regjistruar në Tiranë, ku një person ka dhunuar një 16-vjeçar, pasi e ka parë, teksa po konfliktohej me djalin e tij.
Bëhet fjalë për shtetasin D. B., 34 vjeç, i cili është arrestuar nga uniformat blu të kryeqytetit. Burime zyrtare raportojnë se i arrestuari e ka goditur 16-vjeçarin me send të fortë, duke e lënë të plagosur. I mituri është dërguar në spital, ku ka marrë mjekim dhe ndodhet jashtë rrezikut për jetën.
“Specialistët për Hetimin e Krimeve të Komisariatit të Policisë Nr. 6 arrestuan në flagrancë shtetasin D. B., 34 vjeç, pasi ka goditur me një send të fortë një 16-vjeçar që po konfliktohej me djalin e tij. 16-vjeçari mori mjekim dhe është jashtë rrezikut për jetën.” – njofton Policia e Tiranës.
Materialet procedurale i kaluan Prokurorisë së Tiranës, për veprime të mëtejshme.
