Analisti Andi Bushati, ka deklaruar mbrëmjen e sotme se dëmi që ka bërë administrata amerikane nën drejtimin e demokratëve Biden-Blinken në Shqipëri, vështirë se mund të zhbëhet më.
I ftuar në Syri TV, Bushati deklaroi e sheh me skepticizëm nëse do të ketë përmbysje të regjimit të Ramës në Tiranës, për shkak se siç theksoi ai, ky regjim u forcuar dhe u ndihmua nga administrata e kaluar për të qëndruar në pushtet.
Sipas Bushatit, amerika e demokratëve, tashmë e ka bërë dëmin në Shqipëri.
“Frika ime është që ashtu siç po duket pushteti i Trump, nuk do të ketë një ndjeshmëri të theksuar ndaj diktaturave apo regjimeve diktatoriale. Regjimi i Ramës u forcua nën administratën demokrate, Rama u ndihmua nga administrata e kaluar për ta forcuar pushtetin e tij. Nëse s’do kishte ndodhur kjo, sot do kishim një amerikë neutrale. Problem është se regjimi në Shqipëri është instatluar dhe Trump s’ka treguar ndonjë dashuri ndaj demokracisë liberale.
Nëse sot kemi në Shqipëri një regjim autokratik të instaluar, shanset janë minimale të presim nga amerika Trump-iste për tu angazhuar dhe për ta kritikuar këtë regjim. Dëmin që kanë bërë demokratët, s’ka iluzione që mund ta përmbysin e rrëzojnë këtë. Një njeri që s’ka problem Putin e Kinën, s’do i bëjnë përshtypje Vuçiç në Beograd dhe Rama në Tiranë.
Të heqim dorë nga ëndrra që ne pjellim diktatorë e amerika na i rrëzon. Rrezikojmë që të keqen që bëri administrata Blinken-Biden, mund të thellohet me administratën Trump. S’ka ende asnjë shpresë të madhe që mund të përmbysë regjimin e Ramës. Amerika e demokratëve e bëri dëmin në Shqipëri”, tha Bushati.
