Donald Trump është betuar për herë të dytë zyrtarisht si Presidenti i 47 në historinë e SHBA-së.
Trump u rikthye në presidencën amerikane me një ceremoni inaugurimi në Uashington, duke u bërë presidentin e parë i cili do të shërbejë në mandate jo të njëpasnjëshme që nga vitet 1890.
Miliona amerikanë po ndjekin në televizion, teksa 78-vjeçari Donald Trump bëri betimin për një mandat të ri katërvjeçar në Shtëpinë e Bardhë, ndërsa Presidenti Joe Biden, 82 vjeç, u largua nga presidenca pas një mandati të vetëm.
Në fjalën e tij, Trump falenderoi turmën, zëvendëspresidentin JD Vance dhe politikanë dhe gjyqtarë të tjerë.
“Epoka e artë e Amerikës fillon pikërisht tani,” tha ai, teksa theksoi se vendi do të respektohet përsëri dhe “zilia e çdo kombi”.
Trump thotë se “armatizimi” i departamentit të drejtësisë do të përfundojë.
“Prioriteti ynë kryesor do të jetë krijimi i një kombi krenar, të begatë dhe të lirë”.
