Drejtuesi politik i Partisë së Lirisë për qarkun e Beratit Lefter Maliqi,ka deklaruar se koalicioni opozitar PD-PL është më i fortë se kurrë.
Maliqi gjatë një interviste në News24, tha se rezultati në qarkun e Beratit do të jetë 4:3 për koalicionin opozitar.
“Koalicioni opozitar është më i fortë se kurrë. Presidenti i Partisë së Lirisë Ilir Meta u arrestua në mënyrën më të shëmtuar të mundshme, urdhëruar nga kryebanditi i Surrelit. Flamur Noka donte ta takonte Metën që koalicioni ynë të jetë më i fortë dhe ky tmerr bëri që Rama të arrestonte kryetarin e PL. Berati do ketë rezultat surprizë, do dalë 4:3 për herë të parë. Më 2023 isha pa numërues, kisha përballë oligarkë, banditë, drejtuesit e policisë, Oltion Bistri që u prangos ishte përballë me mua, u hodh asfalt elektoral. Më 2023 kishte krim elektoral, kemi bërë 12 kallëzime, por këtu të gjitha institucionet janë të kapura. Në zgjedhjet lokale ka presione, ndërsa ndryshe është në zgjedhjet e përgjithshme. Në Kuçovë, unë dal forcë e parë, në Berat dal forcë e parë, në Skraparin e Metës nuk diskutohet. Kam bindjen se do korrim sukses edhe në Dimal. Sali Berisha ka thënë se do të ketë primare. Primaret janë për PD-në, ndërsa ne jemi aleatë në koalicion”, tha Maliqi.
