Policia ka dalë me një komunikatë zyrtare në lidhje me aksionin e ndërmarrëp nga RENEA natën e kaluar në Pogradec, ku u ushtrua kontrolle në dhjetra banesa.
Autoritetet policore bëjnë me dije se kontrollet janë ushtruar me vendim të Gjykatës së Korçës në kuadër të procedimit të ngjarjes së regjistruar më 11 Janar në Pogradec, ku Sindi Syzo ka tenatuar të vrasë me thikë 23-vjeçar Nikola Agolli në ambientet e një berberhane duke e lënë të plagosur me 35 qepje.
Si rezultat i operacionit janë arrestuar 6 persona dhe janë sekuestruar armë zjarri, armë gjahu, armë të ftohta, lëndë narkotike kokainë, shuma parash e sende të tjera të kundërligjshme.
Raportohet se kontrollet janë ushtruar në banesat e 28 shtetasve, në automjete dhe ambiente të ndryshme të dyshuara se mund të strehoheshin personat e kërkuar.
Në operacion kanë marrë pjesë 200 forca police, konkretisht nga RENEA, Forca Kombëtare e Sigurisë, Drejtoria e Forcës së Posaçme operacionale, Drejtoria Vendore e Policisë Korçë dhe Komisariati i Policisë Pogradec.
Ndërkohë, më konkretisht në pranga janë vënë shtetasit:
•Fation Bono, 35 vjeç, lindur dhe banues Vërdovë Pogradec , për veprat penale “Pastrimi i produkteve të veprës penale ose veprimtarisë kriminale”, “Ruajtja apo depozitimi i mallrave kontrabande” dhe ”Fshehja e të ardhurave”. Nga kontrolli i ushtruar në banesën e tij i janë gjetur një shumë monetare prej 6 015 900 lek , 22520 euro, 3200 dinarë maqedonas 2675 dollarë amerikane të cilat dyshohen se janë përfituar nga veprimtaria e tij kriminale. Gjithashtu nga kontrolli i ushtruar i janë gjetur në ambient magazine ne banesën e tij qindra litra naftë e dyshuar kontrabande nga Maqedonia e Veriut dhe një automjet i markës Land Rover, vit prodhimi 2018.
•Aldi Hoxha, 34 vjeç, lindur dhe banues ne Pogradec për veprat penale “Mbajtja pa leje dhe prodhimi i armeve, armève shpërthyese dhe municionit” “Prodhimi , mbajtja, blerja apo shitja pa leje e armëve të ftohta” dhe “Pastrimi i produkteve të veprës penale ose veprimtarisë kriminale”. Nga kontrolli i ushtruar në banesën e tij i janë gjetur 2 arme gjahu dhe një pistoletë pa leje përkatëse, një sasi municioni luftarak, 2 armë te ftohta të llojit thika flutur si dhe një shumè monetare prej 5 043 560 lek, 31 810 euro , 22 915 dollarë amerikane, 685 700 dinarë maqedonas, 2920 dollarë kanadeze, 1550 franga zvicerane, 800 dollarë australiane, 620 paund.
•Eris Çekani, 41 vjeç lindur dhe banues në Pogradec, për veprat penale “Prodhimi, mbajtja, blerja apo shitja pa lejé e armëve të ftohta” dhe “Mbajtja pa leje dhe prodhimi i armève, armëve shpërthyese dhe municionit”. Nga kontrolli i ushtruar ne banesën e tij i janë gjetur 3 armë të ftohta (thika) njëra prej tyre thike stilolaps si dhe fishekë model 56.
•Denis Xhemollari, 33 vjeç, lindur dhe banues në Pogradec për veprën penale “Prodhimi dhe shitja e lëndëve narkotike”, pasi nga kontrolli i ushtruar i është gjetur një sasi e vogël lënde narkotike e llojit (kokainë).
•Arbri Berberi, 47 vjeç, lindur dhe banues në Pogradec për veprën penale ” Prodhimi, mbajtja, blerja apo shitja pa leje e armëve tê ftohta” , pasi nga kontrolli i ushtruar i eshtë gjetur një armë e ftohtë (shufër hekuri me ngjyre të errët me doreze të gomuari të policisë)
•Enxhi Xhemollari, 33 vjeç, lindur dhe banues në Pogradec për veprën penale “Organizimi i lotarive të palejuara” pasi nga kontrolli i ushtruar në dy aparatet e tij celularé i janë gjetur llogari (accounte) në emrin për vendosjen e basteve sportive për shtetas të ndryshëm me qëllim përfitimi si dhe një shume monetare prej 200 000 mije leke të dyshuara te përfituara nga kjo veprimtari.
Autoritetet policore raportojnë se operacioni është ende në vijim.
VLen të theksohet fakti se një prej banesave ku u ushtrua kontroll nga ana e RENEA-s ishte dhe ajo e Erjon Llapushit, një prej personazheve me rrezikshmëri të lartë, i shumëkërkuar nga ana e Policisë.
Më 2 Tetor të vitit 2021, Llapushi kreu krimin makabër brenda një lokali në Elbasan, ku vrau me thikë kamarierin Gazment Kurmaku, teksa është i dënuar dhe për një sërë veprash penale.
Po ashtu, edhe Sindi Syzo, i cili sulmoi në befasi brenda berberhanes Nikola Agollin mbrëmjen e 11 Janarit, po ashtu arriti t’i shpëtojë Policisë dhe vazhdon të jetë ende në kërkim.
