Gazetari Klodian Tomorri ka komentuar dhënien e statusin investitor strategjik kompanisë së lidhur me dhëndërin e Presidentit të zgjedhur të SHBA-së Donald Trump, Jared Kushner për ndërtimin e një resorti turistik në ishullin e Sazani.
Tomorri tha në Syri TV se qytetarët duhet të luten të mos realizohet si project, pasi shteti do të shpenzojë rreth 400-500 mln euro nga buxheti i shtetit, vetëm për të dërguar atje të gjithë infrastrukturën e nevojshme, rrjetin elektrik dhe ujësjellës-kanalizime.
Por Tomorri sheh me shqetësim faktin, që ligji për investimet strategjike, parashikon përjashtime fiskale për kompanitë që ndërtojnë, duke i kthyer në offshore. Edhe pse përpiqet që investimin në Sazan t’ia japë një kompanie amerikane, Tomorri tha se kjo nuk e favorizon Ramën për të siguruar një biletë për në Shtëpinë e Bardhë.
‘Në Sazan edhe pse flitet për një financim amerikan, qytetarët të luten të mos bëhet. Pasi për të çuar drita e ujë në Sazan, qeveria do të shpenzojë 400-500 mln euro nga buxheti i shtetit. Aty mund të ndërtohet resorti më i mirë në botë, ligji investimeve strategjike u jep kompanive përjashtime fiskale duke i kthyer në offshore. Paguan por ajo që merr mbrapsht është e papërfillshme. Rama s’do të blejë kredenciale ndërkombëtare apo në kancelaritë ndërkombatëre, duke e nxjerrë Shqipërinë në pazar, me copa. Deri më sot, s’ka arritur ta gjejë dot një biletë për në Shtëpinë e Bardhë. Diçka ka që e detyron që e mban jashtë është. Ato përkulje e batuta s’kanë arritur t’i sigurojnë një biletë në Shtëpinë e Bardhë dhe një takim me presidentin. S’mendoj se kjo e dhënies së Sazanit apo gjysmën së Shqipërisë, s’është mënyra’, tha Tomorri.
