Një video denoncim ka ardhur në redaksinë e emisionit “Stop”. Banorët e një pallati në Vlorë ankohen se puseta brenda oborrit është bllokuar duke shkaktuar grumbullim ujërash dhe krijuar kushte të vështira për banorët.
Ata kanë kërkuar shumë herë ndërhyrje urgjente për zgjidhjen e problemit, por asnjëherë nuk kanë marrë përgjigje.
“Ju telefonojmë nga pallati 1131 në Vlorë. Ky pallat ndodhet thuajse në qendër të Vlorës, pranë shkollës “Lef Sallata”. Ka një problem disavjeçar, puseta e pallatit është brenda një shtëpie që është ndërtuar në oborrin e pallatit dhe dera e asaj shtëpie nuk hapet nga punonjësit e bashkisë. Arsyen ne nuk e dimë dhe tërë verës kemi pasur probleme me pusetën ku fekalet notonin sipër. Vijnë herë pas here, bëjnë sikur punojnë, siç bënë sikur punuan edhe tani edhe kur ne u thamë se banorët nuk kanë nga të kalojnë, të paktën na hiqni ujin, na thanë që ujin hiqeni vetë, merrni varka”, shprehet qytetarja.
