Një shqiptar i ka dhënë fund jetës në mënyrë tragjike mbrëmjen e kësaj të enjte në Amalidha të Greqisë.
Mediat raportojnë se viktima është shtetasi Spiro Vilçani, i cili është gjetur pa shenja jete në banesën e tij. Mësohet se Vilçani është gjetur i varur në krevat me lidhëset e këpucëve të tij.
Policia që mbërriti në vendngjarje tha se ende nuk i di shkaqet se përse Vilçani vendosi t’i japë fund jetës dhe po heton lidhur me ngjarjen.
Banorë të zonës thonë se viktima ishte njeri i qetë dhe i mbyllur në vetvete. Ai nuk shoqërohej me shumë njerëz dhe bënte një jetë të qetë.
Trupi i tij u dërgua në morg për hetime të mëtejshme.
