Komisioni Evropian përsëriti këtë javë angazhimin e tij për të respektuar ligjet e BE-së dhe për të detyruar platformat e mediave sociale të respektojnë të drejtat e qytetarëve, pasi kritikat e forta nga drejtuesit e teknologjisë amerikane e vendosën Bashkimin në mbrojtje.
Pavarësisht nga origjina e tyre ose “ku janë themeluar”, kompanitë që ofrojnë shërbime në Bashkimin Evropian duhet të jenë në përputhje me ligjin e BE-së, u tha gazetarëve të martën Thomas Regnier, zëdhënësi i Komisionit për sovranitetin teknologjik.
Organi ekzekutiv i BE-së, përgjegjës për zbatimin e ligjeve dixhitale të Bashkimit, i është përgjigjur akuzave të bëra nga shefi i Meta-s, Mark Zuckerberg, se ‘’veprimet e tij janë proteksioniste dhe të “censuruara”, duke rritur presionin ndaj Unionit’’.
Komentet e Zuckerberg shtojnë shqetësimet në rritje pas ndërhyrjeve të fundit të profilit të lartë nga miliarderi amerikan i teknologjisë Elon Musk, pronar i platformës së mediave sociale X, në politikën e brendshme gjermane dhe britanike.
Në një intervistë me podkasterin amerikan Joe Rogan të premten, Zuckerberg i bëri thirrje presidentit të sapozgjedhur të SHBA-së, Donald Trump, ‘’të mbrojë kompanitë e mëdha të teknologjisë amerikane nga sanksionet e BE-së’’.
Zuckerberg tha se BE-ja kishte gjobitur kompanitë e teknologjisë “më shumë se 30 miliardë dollarë gjatë 10 ose 20 viteve të fundit”, duke argumentuar se politika e saj ndaj kompanive ishte “pothuajse si një tarifë doganore”.
Rregullatorët evropianë kanë gjobitur kompaninë mëmë të Facebook, Meta, me miliarda euro për shkeljen e rregullave të mbrojtjes së të dhënave dhe konkurrencës në vitet e fundit.
Zuckerberg përsëriti kritikat e Musk ndaj Aktit të Shërbimeve Dixhitale të BE-së (DSA), një rregullore kyçe për përmbajtjen dixhitale dhe platformat e mediave sociale.
Brukseli hedh poshtë akuzat e Zuckerberg.
Megjithatë, që nga rizgjedhja e Trump, arsenali i tij ligjor për të synuar disa nga platformat dixhitale më të mëdha në botë nuk është shfrytëzuar.
