Gjykata e Posaçme e Apelit ka lënë në burg Armando Ndrecën, vëllain e deputetit socialist Eduart Ndreca, i cili u arrestua disa muaj më parë me urdhër të SPAK në kuadër të operacionit “Revanshi”.
Armando Ndreca kishte kërkuar zbutjen e masës së sigurisë “arrest me burg”, por kërkesa e tij është rrëzuar nga Apeli i Posaçëm, duke e lënë në qeli.
SPAK e akuzon vëllain e deputetit socialist si pjesë të një grupi kriminal që merrej me kultivimin e lëndëve narkotike, teksa kjo gjë u zbulua pas zbërthimit të bisedave në aplikacionin e enkriptuar “Sky Ecc”. Mbi të rëndon akuza e prodhimit dhe shitje të narkotikëvë në kuadër të grupit kriminal.
Rreth një muaj para se të arrestohej nga SPAK, Armando Ndrecës iu vunë prangat dhe nga Policia e Lezhës, në kuadër të një operacioni ku u zbulua kultivimi i kanabisit brenda një stani, por në atë kohë qëndrimi i tij në qeli nuk zgjati më shumë se dy ditë, pasi u lirua nga Gjykata e Lezhës.
Në dosjen e SPAK ku bën pjesë Armando Ndreca me urdhër ndalimi është edhe ish-deputeti Arben Ndoka, nipi i tij Samuel Ndoka.
