Mediat britanike raportojnë se Liverpool ka nisur negociatat me Joshua Kimmich, për transferimin e tij në verë në “Anfield”. Gjermanit i mbaron kontrata me Bayern në fund të sezonit dhe deri tani nuk ka shenja mes palëve për rinovim.
Arne Slot e sheh 29-vjeçarin si një përforcim ideal duke ditur që mund të luajë në mbrojtje, por dhe në mesfushë. Klubi i kuq po bëhet gati për largimin e Alexander-Arnold dhe Joshua Kimmich mund të ishtë një zëvendësues perfekt i anglezit në krahun e djathtë, aq më tepër që do jetë transferim falas.
Përveç Liverpool, Kimmich është edhe në radarin e Barcelonës por dhe shumë klubeve të tjera të mëdha në Europë, duke ditur potencialin që ka ky lojtar, ndaj “të kuqtë” nuk do ta kenë aspak të lehtë për të bindur yllin gjerman.
