Ndeshja Skënderbeu-Vora nuk do të luhet në Korçë por në Devoll. Ky është vendimi i fundit i Federatës Shqiptare të Futbollit.
Reshjet e dendura të dëborës në qytetin e Korçës, kanë shtyrë ndeshjen e Kupës së Shqipërisë, Skënderbeu-Vora në një tjetër stadium.
Me anë të një komunikatë zyrtare, FSHF beri me dije se për shkak të kushteve të vështira atmosferike, është e pamundur që kjo sfidë të zhvillohet në Korcë në stadiumin “Skënderbeu” dhe për këtë arsye takimi është zhvendosur në stadiumin e Devollit.
Sipas programit, takimi do të luhet këtë të mërkurë në orën 13:00.
