Milan ka triumfuar në transfertë përballë Comos në ndeshjen e vlefshme për javën e 19-të të Serie A. Sfida e zhvilluar në stadiumin “Giuseppe Sinigaglia”, përfundoi 1-2 në favor të Milan.
Këta të fundit fituan me përmbysje, pasi Como shënoi golin e parë të sfidës me Diao në minutën e 60-të. Por “Djalli” përmbysi gjithçka me golin e Theo Hernandez në të 71-tën dhe të Leaos në minutën e 76-të.
Me këtë fitore, Milan shkon në kuotën e 31 pikëve, duke u afruar me 5 pikë me zonën Champions. Madje kuqezinjtë kanë një ndeshje më pak se Lazio e vendit të katërt.
Në krahun tjetër, me 19 pikë të grumbulluara pas 20 javësh kampionat, Como mbetet në vendin e 16-të në tabelën e renditjes.
