Gjatë dëshmisë në seancën që u mbajt nlë GJKKO për dosjen “Plumbi i Artë”, i penduari i drejtlsisë Nuredin Dumani ka rrëfyer emrat e personave që Erjon Alibej i donte të vrarë.
Sipas Dumanit, bëhej fjalë për një listë me 10 emra, ku në krye qëndronte emri i Talo Çelës, një vrasës me pagesë, i cili është prej vitesh në kërkim nga Policia.
“Erjon Alibej me dha një listë me 10 emra në krye të listës ishte emri i Talo Çelës. Ishte Altin Ndoci, vëllezërit Franc dhe Hajdar Çopja, Emiljano Ramazani, Besmir Haxhia, Dorjan Shkoza. Në shënjestër ishte Besmir Haxhia, i vëllai i tij Viktori ishte viktimë rastësore. Për të vëzhguar lëvizjet e Emiljano Ramazanit përdorëm një instruktore palestre”, mësohet se ka deklaruar Dumani.
Kujtojmë se Emiljano Ramazani u vra në 20 korrik të 2020 në garazhin e banesës së tij pasi kishte dal nga palestra. Ai ishte një prej viktimave të përplasjeve të përgjakshme mes dy grupeve Alibej-Çopja, që shkaktoi dhjetra të vdekur në disa vite.
Gjithashtu, më herët, Nuredin Dumani deklaroi para Gjykatës së Posaçme në një seancë më dyer të mbyllura se për t’u liruar nga burgu në 2014 e ndihmoi krushku i ministrit të Drejtësisë. Ai deklaroi se ndërmjetës ishte avokati Alban Bengasi dhe se për lirimin pagoi shumën prej 40 mijë eurosh.
“Më siguruan një raport mjekësor që me jepte vetëm 3 muaj jetë”, deklaroi Dumani.
Në 2014 Dumani rezulton të jetë liruar nga burgu për arsye shëndetësore. Prej asaj kohe ai kryente vrasje me pagesë dhe mbi bazën e dëshmisë së tij SPAK goditi disa grupe kriminale dhe hodhi dritë mbi disa krime të rënda të ndodhura ne Elbasan, Tiranë e Durrës.
Seanca e radhës në GJKKO për dosjen “Plumbi i Artë” do të mbahet ditën e enjten në orën 10:00.
“Zbërthehet” Nuredin Dumani: Nga burgu më nxori dhëndri i vëllait të Nasip Naços, ja sa pagova
