Një 58-vjeçar i dënuar me 7 vite burg në Itali është arrestuar nga policia.
Bëhet fjalë për Fatmir Isollari alias Fatmir Cenka, 58 vjeç, icili akuzohet për për pjesëmarrje në organizatë kriminale për trafikim të lëndëve narkotike dhe pritet të ekstradohet në Itali.
Sipas policisë, 58-vjeçari ishte shpallur në kërkim ndërkombëtar nga Drejtoria e Interpolit, pasi Gjykata e Apelit e Firences, Itali, në vitin 2023, e ka dënuar me 7 vjet burgim, për pjesëmarrje në organizatë kriminale për trafikim të lëndëve narkotike.
“Si rezultat i veprimeve operacionale të kryera pas koordinimit të informacioneve me homologët e Policisë italiane, në kuadër të operacionit policor “Operacionalja 23”, u lokalizua në qytetin e Beratit, u kap dhe u vu në pranga shtetasi:
Fatmir Isollari alias Fatmir Cenka, 58 vjeç, banues në Berat.
Ky shtetas ishte shpallur në kërkim ndërkombëtar nga Drejtoria e Interpolit, pasi Gjykata e Apelit e Firences, Itali, në vitin 2023, e ka dënuar me 7 vjet burgim, për pjesëmarrje në organizatë kriminale për trafikim të lëndëve narkotike“, thuhet në njoftimin e policisë.
