Një aksident automobilistik është regjistruar këtë të hënë në aksin Fier- Patos.
Mësohet se drejtuesi i një automjeti ka humbur kontrollin mbi drejtimin e mjetit të tij dhe për pasojë makina ka dalë nga rruga duke përfunduar në kanalin anësor të rrugës.
Nga informacionet paraprake mësohet se si pasojë e aksidentit nuk ka patur persona të lënduar. Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
