Barcelona po përpiqet të bëjë të paktën një transferim në ditët e mbetura të merkatos së janarit dhe duket se përforcimi i katalanasve do të vijë nga Premier League.
Bëhet fjalë për Marcus Rashford, i cili pritet të transferohet te katalanasit në formë huazimi sipas raportimeve që vijnë nga Spanja. Hansi Flick ka dhënë miratimin e tij për këtë lëvizje, por s’do jetë aspak e lehtë.
Përveç Barcelonës, në garë për Marcus Rashford janë dhe disa ekipe të tjera të mëdha por Milan duket më i interesuar bashkë me katalanasit.
Largimi i 27-vjeçarit nga Manchester United është i sigurt pasi nuk bën më pjesë në planet e Amorim, ndërsa e ardhmja e tij pritet të mësohet javën e ardhshme.
