Pas triumfit në Superkupën e Italisë, Milani zhgënjeu në barazim 1-1 ndaj Cagliarit. Ky rezultat la një shije të hidhur edhe te trajneri Sergio Conceicao, i cili pas ndeshjes nuk u kursye ndaj ekipit të tij. Tekniku portugez deklaroi se pjesa e parë ishte një nga më të dobëtat që ka parë në karrierën e tij si trajner.
“Prisja shumë më tepër nga të gjithë. Mendoj se ishte pjesa e parë më e keqe që kur unë jam trajner. Pjesa e dytë ishte më mirë. Më duhet të rregulloj shumë gjëra. Duhet të punojmë shumë. Pashë disa gjëra që nuk i kuptoja fare. Na mungonte gjerësia.
Kur kishim topin nuk dinim çfarë të bënim dhe ky është problemi që duhet të zgjidhim. Në sulm është mirë të jesh altruist, por ka momente kur duhet lënë mënjanë spektakli. Futbolli është i thjeshtë dhe gjërat duhen bërë thjeshtë”, u shpreh Conceicao.
