Një person me iniciale V. K., është arrestuar në Tiranë pas një operacioni të zhvilluar për goditjen e veprimtarisë kriminale në fushën e armëmbajtjes pa leje.
Gjatë kontrolleve në banesën e tij janë gjetur armë zjarri dhe municion luftarak. I arrestuari rezulton i dënuar më parë në shtetin Gjerman për vrasje.
“Komisariati i Policisë Nr.4, në bazë të informacioneve të siguruara në rrugë operative nga burime të ndryshme, finalizoi me sukses operacionin policor të koduar “Ekol ”, në kuadër të të cilit u bë kapja dhe arrestimi në flagrancë i shtetasit V. K., banues në Tiranë, i dënuar më parë për vrasje në shtetin Gjerman.
Nga ana e sherbimeve të Komisariatit të Policisë Nr.4, janë siguruar informacione nga inteligjenca policore, për një shtetas që mbante armë zjarri pa leje, në banesë.
Mbi bazën e këtyre informacioneve, falë veprimeve të shpejta dhe profesionale, shërbimet e Policisë kanë ushtruar kontroll në banesën e shtetasit V.K, dhe kanë gjetur dhe sekuestruar në cilësinë e provës materiale një armë zjarri pistoletë dhe municion luftarak.”- njofton policia.
Materialet proceduriale i kaluan Prokurorisë, për veprime të metejshme.
