Një aksident i trefishtë automobilistik është regjistruar mëngjesin e kësaj të premteje në aksin rrugor Lezhë- Milot, pranë kryqëzimit të Rrilës.
Mësohet se në aksident janë përfshirë dy automjete dhe një autobus që po transportonte nxënës, të cilët janë përplasur me njëri-tjetrin. Fatmirësisht, mësohet se si pasojë e aksidenti ka vetëm dëme materiale dhe nuk ka nxënës të lënduar, të cilët kanë vijuar më pas rrugën me mjete të tjera.
Policia ka mbërritur në vendin e ngjarjes dhe po kryen hetimet për zbardhjen e plotë të rrethanave të aksidentit.
