Fabio Cudicini, ish-portieri legjendar i Milanit, i cili me kuqezinjtë ka shkruar historinë në vitet ’60, ka ndërruar jetë në moshën 89-vjeçare.
I njohur si “Merimanga e Zezë” për shkak të uniformës që mbante veshur në ndeshje, Cudicini ka luajtur 183 ndeshje në 5 sezonet e tij me Milanin, duke fituar një titull kampion (1967-1968), një Kupë Kampionesh (1968-69), një Kupë Ndërkontinentale (1969) dhe një Kupë Italie (1971-1972).
Klubi kuqezi me anë të një reagimi në rrjetet sociale ka dhënë lajmin e trishtë duke shkruar: “Rrjeta e merimangës në zemrën tonë kuqezi. Përgjithmonë. Ka ndërruar jetë Fabio Cudicini, një kampion i gjithçkaje me Milanin, një portier i madh dhe një person i madh. Ngushëllimet e të gjithë kuqezinjve për djali i tij Carlo, i cili u rrit në Klub, dhe për të gjithë familjen Lamtumirë Fabio.”
La tela del Ragno sul nostro Cuore rossonero. Per sempre. È scomparso Fabio Cudicini, campione di tutto con il Milan, grande portiere e grande persona. Le condoglianze di tutti i rossoneri al figlio Carlo, cresciuto nel Club, e a tutta la famiglia. Ciao Fabio pic.twitter.com/SeRqrhhohc
— AC Milan (@acmilan) January 8, 2025
Fabio Cudicini ka luajtur gjatë karrierës së tij edhe me Roma, Udinese dhe Brescia.
