Atletico Madrid po mendon të forcojë skuadrën dhe lojtari i parë i zgjedhur nga Diego Simeone për këtë merkato dimërore është Arthur Melo.
Mesfushori brazilian, i cili la gjurmë gjatë kohës së tij te Barcelona rreth 4 vite më parë, mund të jetë afër një rikthimi në La Liga pas një periudhe sfiduese në Itali. Në verë u huazua te Fiorentina.
Mungesa e minutave te Juventusi, e kombinuar me përjashtimin e tij nga planet e trajnerit Thiago Motta, me huazimin që nuk po shkon siç duhet në klubin vjollcë, e kanë bindur brazilianin për një rikthim në La Liga, por këtë herë tek Atletico Madrid.
Edhe pse skuadra të tjera si Real Betis kanë shfaqur interes për lojtarin, Atletico Madrid duket se është një destinacion tërheqës për brazilianin, i cili po kërkon të rifitojë formën e tij më të mirë.
Ardhja e tij jo vetëm që do të forconte mesfushën e Atletico-s, por do të ishte gjithashtu një lëvizje e zgjuar nëse Arthur arrin të kapërcejë problemet fizike që kanë ndikuar në performancën e tij në sezonet e fundit.
