Policia e Sarandës ka identifikuar dhe vënë në pranga të dyshuarin si autor të vjedhjes së një sasie parash në një hotel në Ksamil.
Arif Mançe, 38 vjeç, banues në Tiranë, është identifikuar përmes pamjeve filmike si autor i vjedhje së një shume prej 6000 euro në hotel “Koko” në qendër të Ksamilit.
Ai kishte vepruar i vetëm në ngjarje por ishte treguar i pakujdesshëm për t’u fshehur nga kamerat e sigurisë.
Mançe rezulton person me precedentë të theksuar kriminalë, i arrestuar dhe dënuar disa herë për vjedhje në Tiranë, Laç apo qytete të tjera të Shqipërisë.
Policia e Sarandës po vijon hetimet për të zbuluar nëse Mançe mund të ketë kryer vjedhje të tjera në Sarandë dhe Ksamil.
