Lëkundje të forta sizmike janë regjistruar paraditen e kësaj të hëne në Greqi.
Sipas Qendrës Sizmiologjik Europiane-Mesdhetare, tërmeti ka qenë me magnitudë 4.7 e shkallës Rihter, teksa epiqendra e tij ka qenë 12 km në jug të qytetit bregdetar të Zacháro-s.
Tërmeti ka patur një thellësi fokale prej 5 km, teksa lëkundjet janë regjistruar në 11:47 me orën greke, duke shkaktuar panik tek banorët.
Deri më tani nuk raportohet për dëme materiale apo në njerëz. Tërmeti i fortë është shoqëruar më vonë me disa lëkundje të tjera sizmike, por me magnitudë më të vogël.
