Kryeministri i Kanadasë, Justin Trudeau, pritet që të japë dorëheqjen këtë të hënë.
Sipas medias prestigjioze, CBC, Trudeau pritet ta njoftojë dorëheqjen përmes një deklarate për shtyp dhe se do të qëndrojë në detyrë derisa të zgjidhet pasardhësi i tij.
Ai ka qenë nën presion në rritje për të dhënë dorëheqjen mes sondazheve të fundosura të opinionit publik, duke përfshirë edhe grupin e tij.
Të paktën dy grupime deputetësh dhe disa grupe parlamentare rajonale – përfshirë Atlantic Canada, Quebec dhe Ontario – kanë kërkuar që ai të largohet që para pushimeve të festave.
E ardhmja e tij politike u vu në një kaos kur Chrystia Freeland, e konsideruar prej kohësh si e besuara e tij më e lartë, dha dorëheqjen si ministre e financave dhe zëvendëskryeministre muajin e kaluar, ditën që ajo ishte planifikuar të paraqiste deklaratën ekonomike të vjeshtës.
