Një ngjarje tragjike ka ndodhur në fshatin Dragoç të Postribës në Shkodër.
Bëhet me dije se një burrë është gjetur i vrarë me armë zjarri në automjetin e tij.
Sipas informacioneve të para, mësohet se trupi i pajetë u gjet në makinë nga banorët e zonës, ndërkohë që ende nuk janë zbuluar shkaqet dhe autorët e krimit. Dyshohet që viktima u qëllua me armë nga jashtë automjetit.
Policia ka nisur hetimet për të zbardhur ngjarjen, ndërkohë që ende nuk janë dhënë detaje të tjera lidhur me identitetin e viktimës.
