Sekretari i Përgjithshëm i ‘Shqipëria Bëhet’, Elton Laska në një postim në Facebook, ka reguar në lidhje me bojkotin e paralajmëruar të mjekëve të urgjencës.
Laska shkruan se kontratat që mjekët kanë me spitalet specifikojnë se bluzat e bardha duhet të paguhen 5700 lekë për një ditë shërbimi në urgjencë, ndërsa sipas nga përllogaritja e pagës që u ka kaluar në bankë, rezulton se dita e punës është paguar me 2600 lekë të reja.
Laska thekson se ky veprim i Ministrisë së Shëndetësisë ndikon negativisht në sigurinë dhe cilësinë e kujdesit shëndetësor.
Postimi i plotë:
Mbështesim bojkotin e mjekëve të urgjencës! Ministria e Shëndetësisë u vodhi djersën!
Kontratat që mjekët kanë me spitalet specifikojnë se bluzat e bardha duhet të paguhen 5700 lekë për një ditë shërbimi në urgjencë.
Ndërkohë, nga përllogaritja e pagës që u ka kaluar në bankë, rezulton se dita e punës për mjekët e urgjencës është paguar me 2600 lekë të reja.
Ky veprim i Ministrisë së Shëndetësisë, që alokon miliona për PPP-të korruptive, përkeqëson situatën e pagave të ulëta, mungesën e burimeve dhe mbingarkesën në spitale, duke ndikuar negativisht në sigurinë dhe cilësinë e kujdesit shëndetësor.
Mjekët e urgjencës, të cilët janë në vijën e parë të luftës kundër sëmundjeve dhe aksidenteve, shpesh janë të detyruar të punojnë në kushte të papranueshme, dhe bojkot është një mënyrë për të tërhequr vëmendjen ndaj këtyre shqetësimeve.
Ky bojkot është një thirrje drejtuar autoriteteve për të ofruar zgjidhje të qëndrueshme, si rritjen e financimit për shëndetësinë, përmirësimin e kushteve të punës, rritjen e pagave dhe sigurimin e stafit të mjaftueshëm.
Mjekët duhen trajtuar me dinjitet dhe respekt.
Dhe ky sistem, që nëpërkëmb dinjitetin e atyre që shpëtojnë jetë duhet shembur me votë më 11 maj 2025.
