Të paktën një person ka humbur jetën ndërsa 10 të tjerë janë plagosur si pasojë e zjarrit që shpërtheu në një hotel në qytezën Kalambaka të Greqisë.
Siç raporton televizioni shtetëror grek ERT, zjarri shpërtheu në orët e para të mëngjesit në një hotel që ndodhet në qytezën Kalambaka, e njohur për turizmin dimëror në afërsi të Trikalas në rajonin e Thesalisë.
Si pasojë e zjarrit humbi jetën pronari i hotelit ndërsa 10 të tjerë u plagosën. Ndërkohë u shpëtuan 26 persona, përfshirë 8 fëmijë të cilët ndodheshin në hotel.
Ndaj zjarrit ndërhynë 34 zjarrfikës me 12 automjete zjarrfikëse. Ende nuk dihen shkaqet e zjarrit në hotel.
