Fation Janina, 39-vjeçari që u arrestua për vrasjen e të moshuarit Paulin Gina ka pranuar krimin para autoriteteve policore, duke thënë se e vrau për një borxh që i kishte.
Sipas 39-vjeçarit, ai ka shkuar në banesën e fqinjit të tij për t’i kërkuar një borxh prej 200 mijë lekësh, por thotë se ai i është drejtuar me fjalët “drogaxhi”.
Më pas ka nisur edhe sherri që siç tregon Fation Janina janë përleshur për rreth një orë, ku 82-vjeçari Gina ka tentuar ta godasë me çekiç.
“Unë e vrava. U zumë në banesën e tij, pasi i kërkova 200 mije lekët që më kishte borxh, por më tha drogaxhi dhe tentoi të më qëllonte me çekiç, por unë e godita me thikë.
U përleshëm për rreth 1 orë, e godita disa herë me thikë dhe më pas me çekiç”, ka treguar në polici 39-vjeçari, autor i krimit.
