Policia e Tiranës ka marrë vendimin për të pezulluar nga detyra tre efektivët, që shfaqeshin në një video në rrjetet sociale duke dhunuar një të mitur, i cili u arrestua pasi qarkullonte me armë zjarri dhe një dorezë metalike ( përforcues grushti) me vete.
Më konkretisht bëhet fjalë për efektivët:
-Inspektor R. H., me detyrë oficer i patrullës së përgjithshme në Komisariatin e Policisë Nr.6;
-Inspektor B. A., me detyrë oficer i patrullës së përgjithshme në Komisariatin e Policisë Nr.6;
-Nënkomisar A. K., me detyrë specialist rendi në Komisariatin e Policisë Nr.6.
Gjithashtu, bëhet me dije se Drejtori i Përgjithshëm i Policisë së Shtetit, Ilir Proda ka urdhëruar Drejtorinë e Standardeve Profesionale për të nisur ecurinë disiplinore ndaj punonjësve të Policisë, për shkelje të rëndë.
Kujtojmë se në pranga u vu shtetasi i mitur A.K, 15 vjeç, banues në Tiranë, i cili sipas njoftimit të bluve të kryeqytetit është kapur në Fushë-Mëzez.
Në pamje e publikuara nga JOQ shihej qartë se si policët e dhunonin me grushta dhe shpulla në kokë të miturin sikur të ishte një kriminel, ndërkohë që ai ulej për t’u mbrojtur.
VIDEO-SKANDAL/ Grushta dhe shpulla kokës, 3 policë rrahin të miturin që u kap me pistoletë
