Greqia do të kufizojë përdorimin e internetit nga fëmijët. Kryeministri grek Kyriakos Mitsotakis prezantoi një strategji të re që ka për qëllim t’i mbrojë ata nga varësia ndaj internetit dhe dëmet që të miturve u vijnë prej tij.
“Kemi parasysh atë pamjen e fëmijëve të ngjitur pas celularit që humbin lidhjen me botën jashtë. Kjo krijon probleme të rënda psikologjike, depresion, izolim, shpërqëndrim. Kjo është ana e errët e teknologjisë.”
Mitsotakis tha se po krijohet një protofol virtual për çdo fëmijë, gjë që ua lehtëson prindërve marrjen e masave kufizuese, ku ata mund të vendosin se sa gjatë mund të rrijnë të miturit e tyre në internet, të bllokojnë protalet apo aplikacionet që nuk duhet të vizitojnë, po ashtu edhe lojërat, filmat e serialet, të gjurmojë vendndodhjen e pajisjes dhe të caktojë oraret kur ajo nuk duhet përdorur, si përshembull gjatë orarit të mësimit.
Në gjithë botën po bëhen përpjekje për të shmangur pasojat negative që bota virtuale ka për të miturit. Australia është vendi me masat më radikale që ua ka ndaluar fëmijëve përdorimin e rrjeteve sociale, por kufizime kanë vendosur shumë vende të tjerë përfshirë Shqipërinë.
