Policia e Durrësit ka zbardhur djegien e qëllimshme të dy automjeteve natën e 23 shtatorit në lagjen nr. 13 të qytetit bregdetar.
Si rezultat janë arrestuar dy autorët e dyshuar të ngjarjes, si dhe është shpallur në kërkim bashkëpunëtori i tyre, teksa është vënë nën hetim dhe një i mitur.
Në pranga janë vënë shtetasit Ertin Hoxha, 18 vjeç dhe Albjon Golemi, 18 vjeç, të dy banues në Durrës, ndërsa në kërkim është shpallur shtetasi Eridjon Rubener, 32 vjeç. Raportohet se procedimi penal në gjëndje të lirë ka nisur për shtetasin e mitur A. Gj.
Kujtojmë se njëra prej makinave u dogj plotësisht, ndërsa tjetra pjesërisht. Ende nuk dihet motivi pse të rinjtë iu vunë zjarrin makinave.
Policia e Durrësit raporton se vijon puna për kapjen e shtetasit të shpallur në kërkim.
Materialet procedurale i kaluan Prokurorisë së Durrësit për veprime të mëtejshme.
